തിരുക്കാഴ്ച

അണിനൂപുരമണിയും പദതളിരും നഖമുനയും
മണിമുത്തുകളണിചേരുമൊരരയും തിരുവയറും
വിരിമാറിടമണിയും  വനമലർമാലയു മലിവിൻ
കണികാരസമുതിരും മിഴിയിണയും പുരികുഴലും

നിറപുഞ്ചിരി നിറയും മുഖവടിവും ചൊടിയഴകും
നറുപീലികളിടതിങ്ങിന കരിവാർമുടിയിഴയും
തുടുശോഭയൊടണിനെറ്റിയിലണിയും തൊടുകുറിയും
പുതുചന്ദനമണമോലുമൊരുടലും കരതലവും

കണികാണ്മതിനടിയർക്കുരുവരമേകുക കൃഷ്ണ
മതിമോഹന മനമോഹന മഹിതാശ്രയ കൃഷ്ണ
മുരളീധര മുരനാശക മുസലീസഹജാത
ഗുണമേകുക ഗുരുവാകിന ഗുരുവായു പുരേശ