കൃഷ്ണ ചിന്തകള്
ചിന്തകൾക്കന്ത്യമുണ്ടോ??
2019, ജൂൺ 30, ഞായറാഴ്ച
അച്ഛനും മകളും
കുഞ്ഞിക്കാലടിവെച്ചു കോണികയറാൻ തത്രപ്പെടുന്നോമലിൻ
പഞ്ഞിയ്ക്കൊത്തശരീരമൊട്ടു കരുതി- ക്കൊണ്ടമ്മപിന്നാലെയും
നെഞ്ഞിന്നുള്ളിലിതേകിടുന്ന മധുരം
ചൊല്ലാവതല്ലോമലേ
മഞ്ഞുംതോറ്റുമടങ്ങിടുന്ന കുളിരും
ഞാനിപ്പൊൾനീതന്നെയോ
ശ്രീധരീയം
ധൃത്യുത്സാഹമതീവകർമ്മനിരതൻ
ശ്രദ്ധാലു,വെന്നീഗുണം
സത്യോത്തംസനൊരാളിലൊത്തു നിറയും നിസ്സംശയം ചൊല്ലിടാം
കൃത്യംമാനുഷരക്ഷ,ചിന്ത മുഴുവൻ
രാജ്യത്തിനായിട്ടുമേ
നിത്യക്ലേശമൊഴിഞ്ഞുപോകുവതിനായ് ശ്രീധാരിയൊന്നേതുണ..
കൈമാറിയ സന്ദേശം
ഇരുമിഴി
മുഴുനീളെക്കണ്ണുനീർവാർത്തുബാലൻ
തിരയുക പതിവാണിങ്ങമ്മയെ,ക്കണ്ടതില്ല.
നിരവധി പൊതുധാരാമാധ്യമംകയ്യിലുള്ളോ-
രൊരുചെറുനറുവെട്ടം തൂകി മുന്നേറിടേണം
നടുവിൽ മഠം സ്വാമിയാർ
ഈ ലോകത്തു പലേവിധത്തിലുളവാം ദുഃഖങ്ങളെക്കാലവും
മാലോകർക്കു പറഞ്ഞുനൽകിയിവിടം
വാഴുന്നു സന്യാസിമാർ
ചൊല്ലേറുന്ന ഗണത്തിലേയ്ക്കു കരുണാപൂർവ്വം കടന്നെത്തിയ-
ച്ചില്ലക്കൊമ്പിലമർന്നൊരച്യുത മഹാവിപ്രന്റെ കാൽത്താർത്തൊഴാം
2019, ജൂൺ 29, ശനിയാഴ്ച
വഴിയഴക്
തിരക്കേറുമീരാജ്യപാതയ്ക്കു ചുറ്റും
നിരന്നങ്ങുനിൽപ്പൂ മരങ്ങൾ നിറച്ചും
തനിച്ചേ നടപ്പീവഴിയ്ക്കെന്നുമെന്നാ-
ലെനിയ്ക്കുള്ളിലിക്കാഴ്ചയാനന്ദമേകും
വളരെ പുതിയ പോസ്റ്റുകള്
വളരെ പഴയ പോസ്റ്റുകള്
ഹോം
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)