ഉള്ളാൾ

'ഉള്ളാളെ' 'യുള്ളൂരി'ലു കണ്ടുമുട്ടു-
'ന്നുള്ളാലെ' 'യുള്ളൂരി'ലു നോക്കിടുമ്പോൾ
'താൻ''ഞാനു' 'മീ ഞാനു' മലിഞ്ഞു പോകും
'ഞാൻ താനെ' യെന്നങ്ങു തെളിഞ്ഞിടുമ്പോൾ

ഉള്ളാൾ = ഈശ്വരൻ
ഉള്ളൂര് = ഉള്ളിലെ ഊര് (ഹൃദയം)

താൻ,ഞാൻ =ദ്വൈതഭാവം
ഈ ഞാൻ = അഹന്ത
ഞാൻ താനെ= അഹംഭാവം/ അഹം സ്ഫുരണം 

അസാധു

നോട്ടുകെട്ടുകളടുക്കി വച്ചതിലെ പഞ്ചനൂറഥ സഹസ്രവും
നോട്ടസാധു നിയമത്തിലാണ്ടുവിലകെട്ടൊരന്നു ജനജീവിതം
'പെട്ടുപോയി','ശരി മോദി' യെന്നു പലകോടി ഭിന്നരവസാഗരം
കേട്ടു,കേട്ടതിലെ വാസ്തവം പരതിനോക്കിയോ പൊതുമഹാജനം?