ത്രിശങ്കുസ്വർഗം

ടീനേജ്പ്രായം കഴിഞ്ഞാലുടനടി വിടണം കേരളം  സ്വസ്ഥമായി-

ന്നാട്ടിൽജ്ജീവിയ്ക്ക കഷ്ടം, പുതുതലമുറതൻ ചിന്തയിന്നിപ്രകാരം

എന്നാലുണ്ടേ കുറച്ചാളുകൾ, അവരിവിടെപ്പെട്ടു വട്ടം തിരിഞ്ഞും

നാടേ സ്വർഗ്ഗം നിനയ്ക്കും, കിണറതിനകമേ ദർദ്ദുരം മട്ടു വാഴും 

ദുഃഖപുത്രി

എന്തേ ക്ലാന്തി പടർന്നു കാണ്മു വദനം

കാവ്യാംഗനേ നിന്നിളം

കാന്തിയ്ക്കെങ്ങനെ മങ്ങലേറ്റു,

പഴയോരുത്സാഹമെങ്ങെങ്ങു പോയ്‌

സന്താപാശ്രു പൊഴിച്ചു ദൂരെയിരുളി

ന്നോരത്തു പോയ്‌ നിൽപ്പതെ-

ന്തന്തസ്സത്ത തകർന്നുവോ

കവികളും കൈവിട്ടുവോ ചൊല്ക നീ