തലയ്ക്കുമീതെ തണലായി നില്ക്കുന്ന
നീല നിറത്തില് ചാലിച്ച ആകാശം
ആകാശ നീലിമയെ നാണിപ്പിക്കാന് താഴെ
അഗാധ നീലിമയാര്ന്ന കടല്
നീല നാളങ്ങളാല് തെളിഞ്ഞു കത്തുന്ന
ഗ്യാസ് അടുപ്പ്,അടുക്കളയില്
നീലം മുക്കിയ തുണികള് പുറത്തെ
അയകളില് തൂങ്ങി കിടക്കുന്നു
നീലതന് മാസ്മരിക വര്ണ്ണ പ്രഭയില്
യൌവനങ്ങളും ആര്ത്തലയ്ക്കുന്നു
ഇവ്വിധം വൈഷമ്യ വൃത്തത്തില് വസുധയും
നീല നിറത്തില് ഉറഞ്ഞു തുള്ളുന്നു
എല്ലാമേ കണ്ടറിഞ്ഞിട്ടുള്ള അവളും
നീലതന്നടിമയായ് മാറിയതെപ്പോളോ?
നീല ബൈക്കില് നീല ജീന്സിട്ട് വന്ന പയ്യന്
നാണത്തിലവളെ കുളിപ്പിച്ചപ്പോളോ?
അവന്റെ കൂടെ ഐസ് ക്രീം നുണഞ്ഞു
നീല രാവില് സ്വപ്നങ്ങള് നെയ്തപ്പോളോ?
അതോ, നീലവെളിച്ചം വിതറുന്ന ഹോട്ടല്
മുറിയില് ആദ്യമായ് വഴങ്ങിയപ്പോളോ?
നീല സി ഡി കളില് താന് താരമായി മാറിയ വേളയില്
നീലതന് അടിമയായ് മാറിയെന്നവളും...
അവളുടെ നീല നയനങ്ങളില് ഭയത്തിന്റെ മിന്നല്പ്പിണരുകള്
അതിനും നിറം നീല ആയിരുന്നു
ഇതില് നിന്നെല്ലാം മോചനം തേടിയവള്
അഗാധ നിദ്രയിലഭയം പ്രാപിച്ചു
നീല നിറമാര്ന്ന വിറങ്ങലിച്ച സരീരവും
അവളെ നോക്കി കൊഞ്ഞനംകുത്തി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ