എന്തിനുമേതിനും ഉണ്ടൊരു വണ്ടി
ടിപ്പര്‍ എന്ന് പേരുള്ള വണ്ടി
പടം നികത്തി മണ്ണിട്ട്‌ മൂടാന്‍
നിലയിലെ മണലൂറ്റി മാളിക തീര്‍ക്കാന്‍
കമ്പിയും കട്ടയും കല്ലും ചുമക്കാന്‍
രാക്ഷസ രൂപിയായിന്നൊരു വണ്ടി
പാതകള്‍ നീളെ പൊടിയും പറത്തി
കാറ്റിന്റെ വേഗത്തിലോടുമീ വണ്ടി
രാക്ഷസ വണ്ടി തന്‍ അഹന്ത തീര്‍ക്കാനായി
വന്നില്ല രാമനും ഇന്നീ വഴിക്കേ
ലക്കും ലഗാനും ഇല്ലാത്തൊരു പോക്കാ
കണ്ടവര്‍ കണ്ടവര്‍ നോക്കിപ്പറഞ്ഞു
ലാഭക്കൊതിയുടെ ടിപ്പരിന്നങ്ങനെ
മടിച്ചു വരുന്നൊരു കൊമ്പനെപ്പോലെ
ചുടുചോരയാണിവനിപ്പോള്‍ പഥ്യം
കുടിച്ചു മടുക്കില്ലോരിക്കലുമെന്നവന്‍
ലോട് കണക്കിന് മരണവും നിറച്ചതാ
മറ്റൊരു ടിപ്പറും ചീറി വരുന്നു....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ