ഹൃദയത്തിലമ്പിനാല്‍ തീര്‍ത്തൊരീ-
മുറിവില്‍ നിന്നിറ്റിറ്റുവീഴുന്ന
ചോര തന്‍ തുള്ളിയി-
ലറിയുന്നു ഞാന്‍, എന്‍റെ പ്രണയം
ഒരുതുള്ളി പല തുള്ളിയായ്-
പ്പടര്‍ന്നതുപിന്നെയൊരു-
പ്രവാഹമായ്ത്തീര്‍ന്നാ-
ഒഴുക്കില്‍ ഞാനറിയുന്നു, എന്‍റെ പ്രണയം
പടരുന്ന വേദന പകരുന്ന
നിമിഷത്തിലൊരു സാന്ത്വന-
ഗീതമോതിയടുക്കുന്ന മിഴികളിലു-
മറിയുന്നു ഞാന്‍, എന്‍റെ പ്രണയം
തേന്‍ മഴ പെയ്യാതെ ചോര-
തന്‍ നനവില്‍ത്തളിര്‍ക്കുന്ന
ശാഖികള്‍ വിടര്‍ത്തുന്ന പൂക്കളിന്‍
ഭംഗിയും അറിയുന്നു, എന്‍റെ പ്രണയം
ഒടുവിലീ സന്ധ്യക്ക്‌ പടികടന്നോടി-
യകലുന്ന കൊലുസ്സുകള്‍
പൊഴിക്കുന്ന മിഴിനീര്‍ കണങ്ങളും
അറിയുന്നു, എന്‍റെ പ്രണയം
നിന്‍ വിരഹമെന്‍ കരളെ-
യെരിക്കുന്ന മാത്രയില്‍
ചോര പൊടുന്നനെ നിലയ്ക്കുന്ന വേളയില്‍
നഷ്ടമാവുന്നൊരാ പ്രണയവും
അറിയുന്നു, എന്‍റെ പ്രണയം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ