മുഴുമതിയൊളിചിന്നുന്നാസ്യവും
ചുണ്ടിലൂറു-
ന്നഴകിയചിരിയും സത്ചിന്തയേ
കുന്നവാക്കും
വഴിയിലെയിരുളാറ്റും ജ്ഞാനവും
നർമ്മവുംചേർ-
ന്നിഴയിടുമൊരു പൂജ്യൻ നന്ദനേട്ടൻ, പ്രവീണൻ
ഒരുതവണയറിഞ്ഞാലാരെയും
ചേർത്തുനിർത്താ-
നുരുകഴിവെഴുമാളാം നന്ദനേട്ടന്റെ രൂപം
ചിരമിഹമനതാരിൽ കാണുമന്നേരമെല്ലാ-
മിരുമിഴികവിയുംമട്ടൂർന്നിടും താപബിന്ദു
ഗുരു സഖ നിലപൂണ്ടും ജ്യേഷ്ഠനായും വളർന്നി-
ങ്ങൊരുവരിയെഴുതാനുൾ പ്രേരണാകാര നായോൻ
തിരികെയിനിവരില്ലെന്നോതിയാനന്ദനന്ദ-
ത്തിരുമലരടി ചേർന്നിട്ടാണ്ടൊടാണ്ടായി
യെന്നോ!!
കതിരവ കിരണം പോലെന്നകക്കാമ്പിലെന്നും
പുതുപുലരിനയിച്ചെത്തീടണം നന്ദനേട്ടൻ
മതികലവിടരും പോലന്തി നേരത്തുമുള്ളിൽ
ചിതമൊടു തെളിയേണം ധന്യമാകട്ടെരാവും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ