കാണ്മാനില്ലെന്‍ മനസ്സിനെ കുറച്ചു നാളുകളായി
നിങ്ങളില്‍ ആരെങ്കിലും കണ്ടുവോ?
എന്‍റെ ചിന്താ ധാരകള്‍
മുഴുവനും അതിലായിപ്പോയി
ഒരിക്കലും കൈവിടില്ലെന്നഹങ്കരിച്ചു ഞാന്‍
പക്ഷെ , വിധി അങ്ങനെ വിടുവാന്‍ തയ്യാറായില്ല
മെല്ലെ മെല്ലെ മനസ്സ് എങ്ങോ പറന്നു പോയി
പറന്നകലുന്ന മനസ്സിനെ എനിക്ക് കാണാമായിരുന്നു
എന്നാല്‍, അരുതെന്ന് പറയാന്‍ നാവു പൊന്തിയില്ല
മാടി വിളിക്കാന്‍ കൈകളും...
'ഗൂഗിള്‍'ലില്‍ പരതി ഞാന്‍
'ആഡ്സ്'ഉം കൊടുത്തു നോക്കി
എന്നിട്ടും ഒരു രക്ഷയും കണ്ടില്ല
പക്ഷെ, അപ്പോഴും എനിക്കെന്‍റെ മനസ്സ്
പറന്നകലുന്ന അവ്യക്ത ദൃശ്യം കാണാമായിരുന്നു
എതവയവമാണ് മനസ്സിന് പകരമാവുന്നത്?
മനസ്സ് ശരീരത്തില്‍ എവിടെയാണ്?
അത് നഷ്ടപ്പെട്ടപ്പോളാണ് അങ്ങനെ തോന്നിയത്...
ഒരിക്കലും തിരിച്ച വരാത്ത പോക്കായിരുന്നോ അത്?
അറിയില്ല...
എങ്കിലും ഞാന്‍ തിരയുകയാണ്
നിങ്ങളില്‍ ആരെങ്കിലും അതിനെ കണ്ടാല്‍ പറയണേ...
" ഉടമസ്ഥന്‍ നിന്നെ കാണാതെ വേദനിക്കുന്നു
ദയവായി തിരിച്ച് വരിക"
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ