കുഞ്ഞിപ്പെണ്

ചുണ്ടിലെ മായാച്ചിരി നിറഞ്ഞോരുത്സാഹവും

കണ്ടിന്നെൻ നെഞ്ചിന്നുള്ളിൽ വിരിഞ്ഞൂ നൂറു പൂക്കൾ

പാട്ടിന്റെ താളത്തിൽ നീ കയ്യടിച്ചാർക്കുന്നേരം

കൂട്ടിന്നായെത്തീടുന്നു ചരണം നീയോരാതേ

ചിണുങ്ങും നേരമയ്യാ ചുണ്ടുകൾ കൂർപ്പിച്ചു നീ

കുണുങ്ങീട്ടമ്മ തന്റെ മാറിലായ് ചാഞ്ഞു വീഴും

ഇപ്പുരയ്ക്കകത്തളം മുഴുക്കേ നിറയട്ടേ

ചിൽപ്പുമാൻ തന്ന കുഞ്ഞിപ്പെണ്ണിന്റെ വായ്ത്താരികൾ