നമ്മളുടെ അവസ്ഥ

വരുന്ന കൊല്ലമെങ്ങിനേ നടത്തിടും കലാലയം
കുറഞ്ഞിടുന്നുവെഞ്ചിനീയറിങ്ങിനാളു നാൾക്കുനാൾ
നിരത്തിവച്ച കെട്ടിടങ്ങളൊക്കെ പൂട്ടുമെങ്കിലീ-
നമുക്കു ജോലി പോയിടും പിടച്ചിടുന്നു ഹൃത്തടം

വരുന്നതൊക്കെ വന്നു ചേരുമെന്നു ചൊല്ലിയെപ്പൊഴും
പൊരുന്നിരുന്നിടാതെ നാം പഠിച്ച വിദ്യയോർക്കണം
കരത്തിലുള്ള കായ്ഫലത്തെ നോക്കുമോ പിടയ്ക്കവേ
കരഞ്ഞിടുന്നൊരാശ്രയത്തിനായി നിൻ നടയ്ക്കൽ ഞാൻ